Fritty Woman

Total royal!

“Et is jett loss in England.

Isch kigg misch dat ja aan. Dä Willjäm un dat Käthe. En feine Frau.

Bee dänne isset ja janz von Bedeutung, dat die Kwien Lisabeth von England dat Käthe mach. Isch wünsch denne ja blooß net, dat dat so kütt, wie bee dämm Scharls. Da wor dat ja ärsch schwierisch möt die Kwien und dat Kamilla. Ich mach die ja beede net. Dä Willjäm un singe Käthe is en wunderschönes Päärken. Dat Diana hätte däm gään gehatt, dat glööv isch sischer.

Un da sin Minsche… Leeve Jott… Un an et Fernsehen noch vüll mieä Lüüt. Äwwer dat Fergie, die vun däm Ändruh, die hann die net injelone. Die is ja net mieä su gään gesinn vun die janze Fammilisch.

Op dat Kleed simmer all jespannt. Äwwer isch mach och gään die janze Hööt. Die hann ja immer all Hööt an in de dollsten Färwe. Möt Bloome un Jedöns.

Isch freu misch. Prinzessin Käthe. Katharina heesch die jo. En feine Prinzessin widder vür die Engländer. Tiet wor et ja!”